Եվրո–2020. Հայաստանի ազգային թիմի առաջին մարզումը (ֆոտո)

20:07   19 մարտի, 2019

Ֆուտբոլի Հայաստանի ազգային հավաքականն առաջին մարզումն է անցկացրել Ավանի Ֆուտբոլի ակադեմիայում՝ պատրաստվելով Բոսնիա–Հերցեգովինայի ու Ֆինլանդիայի թիմերի հետ Եվրո-2020-ի ընտրական փուլի J խմբի առաջին տուրերի հանդիպումներին: ՀՖՖ մամուլի ծառայությունը ներկայացրել է ֆոտոշարք մարզումից։

Հավաքական հրավիրված 27 ֆուտբոլիստներից առայժմ թիմին չեն միացել գերմանական «Յան Ռեգենսբուրգի» կիսապաշտպան Սարգիս Ադամյանը եւ արգենտինական «Աթլետիկո Ուրականի» հարձակվող Նորբերտո Բրիասկո Բալեկյանը, որոնք Երեւան կժամանեն մարտի 19-ի երեկոյան:

Հիշեցնենք, որ Բոսնիա եւ Հերցեգովինայի հետ Հայաստանի հավաքականը կխաղա մարտի 23-ին Սարաեւոյում, իսկ Ֆինլանդիային կընդունի մարտի 26-ին Երեւանի «Հանրապետական» ստադիոնում: J խմբում ընդգրկված են նաեւ Իտալիայի, Հունաստանի եւ Լիխտենշտեյնի հավաքականները:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։