Գերմանական երկրորդ Բունդեսլիգայի 26-րդ տուրում «Յան Ռեգենսբուրգը» սեփական խաղադաշտում 0:2 հաշվով պարտվել է «Գրոյտեր Ֆյուրտին»:
Դաշտի տերերի կազմում ամբողջ հանդիպումն անցկացրել է Հայաստանի ազգային հավաքականի հարձակվող Սարգիս Ադամյանը: 26-րդ տուրից հետո «Յան Ռեգենսբուրգը» 37 միավորով 8-րդ տեղում է:
Հիշեցնենք, որ Սարգիս Ադամյանը հրավիրվել է Հայաստանի հավաքական՝ մասնակցելու Բոսնիա եւ Հերցեգովինայի (մարտի 23) ու Ֆինլանդիայի (մարտի 26) հավաքականների հետ Եվրո-2020-ի ընտրական փուլի J խմբի մեկնարկային տուրերի հանդիպումներին: Հայաստանի հավաքականն Ավանի ֆուտբոլային ակադեմիայում հավաքը կսկսի մարտի 19-ին:
Երկրորդ Բունդեսլիգայի ընթացիկ մրցաշրջանում Սարգիս Ադամյանը մասնակցել է 25 խաղի եւ դարձել 10 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։