Հայ բռնցքամարտիկները վերադարձել են Վլադիկավկազից (ֆոտո)
11:04 19 մարտի, 2019Վլադիկավկազում անցկացված Եվրոպայի 18-22 տարեկանների առաջնությանը մասնակցած հայ բռնցքամարտիկները վերադարձել են Երեւան:
«Զվարթնոց» օդանավակայանում Եվրոպայի չեմպիոն Անուշ Գրիգորյանին եւ մյուս մեդալակիրներին դիմավորել են Հայաստանի բռնցքամարտի ֆեդերացիայի փոխնախագահ Ռուսլան Բաղդասարյանը, հայկական բռնցքամարտի ներկայացուցիչները, մարզիկների հարազատներն ու երկրպագուները, փոխանցում է ՀԲՖ մամուլի ծառայությունը:
Հիշեցնենք, որ Եվրոպայի 18-22 տարեկանների առաջնությունում Հայաստանը նվաճել էր 5 մեդալ: 51 կգ քաշային Անուշ Գրիգորյանը դարձել էր ոսկե մեդալակիր, 64 կգ քաշային Անի Հովսեփյանը գրավել էր երկրորդ տեղը, իսկ 60 կգ քաշային Հրայր Շահվերդյանը, 75 կգ քաշային Վախթանգ Հարությունյանը եւ գերծանր քաշային Գուրգեն Հովհաննիսյանը նվաճել էին բրոնզե մեդալ:
Հայաստանի թիմը Վլադիկավկազ էր մեկնել 10 բռնցքամարտիկով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։