Իսպանական Պրիմերայի 28-րդ տուրում առաջատար «Բարսելոնան» հյուրընկալվելիս 4:1 հաշվով ուժեղ գտնվեց Սեւիլիայի «Բետիսից», որին առաջին շրջանում պարտվել է 3:4 հաշվով (տեսանյութ):
«Բարսելոնայից» հեթ-տրիկի հեղինակ դարձավ արգենտինացի ռմբարկու Լիոնել Մեսին, մեկ անգամ էլ աչքի ընկավ ուրուգվայցի հարձակվող Լուիս Սուարեսը:
Մեսին ռմբարկուների ցուցակը գլխավորում է 28 գոլով, իսկ Սուարեսը գոլերի քանակը հասցրեց 18-ի եւ երկրորդ տեղում է:
66 միավոր հավաքած «Բարսելոնան» արդեն 10 միավոր է գերազանցում երկրորդ տեղում գտնվող Մադրիդի «Աթլետիկոյին», որն այս տուրում պարտվել էր Բիլբաոյի «Աթլետիկին»: Երրորդ տեղում գտնվող Մադրիդի «Ռեալն» ունի 54 միավոր:
Իսպանիայի առաջնություն, 28-րդ տուր
«Բետիս» - «Բարսելոնա»՝ 1:4
Լորեն, 82 – Լիոնել Մեսի, 18, 45+2, 85, Լուիս Սուարես, 63
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։