Լեգենդար Մալդինիի կրտսեր որդին հրավեր է ստացել Իտալիայի Մ-18 հավաքականից

10:24   16 մարտի, 2019

«Միլանի» եւ Իտալիայի հավաքականի նախկին պաշտպան, լեգենդար Պաոլո Մալդինիի կրտսեր որդին հրավեր է ստացել Իտալիայի մինչեւ 18 տարեկանների հավաքականից, որը մարտի 22-ին ընկերական հանդիպում կանցկացնի Հոլանդիայի թիմի հետ, հաղորդում է Football Italia-ն։

Դանիել Մալդինին հանդես է գալիս «Միլանի» երիտասարդական թիմում եւ դարձավ ընտանիքի երրորդ խաղացողը հավաքականում։ Նախկինում այդ պատվին արժանացել են Պաոլո Մալդինին եւ Դանիելի պապ Չեզարե Մալդինին։

Իտալիայի ընթացիկ երիտասարդական առաջնությունում Դանիել Մալդինին մասնակցել է 22 հանդիպման, խփել 9 գոլ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։