Չեմպիոնների լիգա. Ռոնալդուն՝ շաբաթվա լավագույն ֆուտբոլիստ

16:10   15 մարտի, 2019

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն ճանաչվել է Չեմպիոնների լիգայի 1/8 եզրափակիչի պատասխան խաղերի վերջին շաբաթվա լավագույն ֆուտբոլիստ:

Մադրիդի «Աթլետիկոյի» դեմ հաղթական խաղում (3:0) հեթ-տրիկի հեղինակ դառնալուց հետո 34-ամյա պորտուգալացին քվեարկության արդյունքում առաջ է անցել Լիոնել Մեսիից («Բարսելոնա»), Լերոյ Սանեից («Մանչեսթեր Սիթի») եւ Սադիո Մանեից («Լիվերպուլ»), փոխանցում է ՈւԵՖԱ-ի կայքը:

Հիշեցնենք, որ Մադրիդում կայացած առաջին խաղում «Յուվենտուսը» պարտվել էր 0։2 հաշվով, սակայն պատասխան մրցավեճում 3:0 հաշվով հաղթեց Ռոնալդուի հեթ-տրիկի շնորհիվ եւ դուրս եկավ քառորդ եզրափակիչ:

Չեմպիոնների լիգայի քառորդ եզրափակիչում «Յուվենտուսը» կմրցի Ամստերդամի «Այաքսի» հետ, որը 1/8 եզրափակիչում պայքարից դուրս էր թողել Չեմպիոնների լիգայի նախորդ 3 մրցաշարերի հաղթող Մադրիդի «Ռեալին»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։