Շախմատի կանանց Հայաստանի հավաքականի երկրորդ համար Լիլիթ Մկրտչյանը Աստանայում ավարտված աշխարհի թիմային առաջնությունում արժանացել է անհատական բրոնզե մեդալի:
Երկրորդ խաղատախտակի վրա Մկրտչյանը 8 հնարավորից վաստակել էր 4.5 միավոր, փոխանցում են Հայաստանի շախմատային ֆեդերացիայից:
Հիշեցնենք, որ կանանց Հայաստանի հավաքականը 4 միավորով գրավել էր 8-րդ տեղը: 9 տուրերում հայ շախմատիստուհիները հաղթել էին Եգիպտոսին, պարտվել Ռուսաստանին, Հնդկաստանին, Չինաստանին, ԱՄՆ-ին, Ուկրաինային, Ղազախստանին եւ ոչ ոքի խաղացել Հունգարիայի ու Վրաստանի հետ:
Չեմպիոնի կոչումը ժամանակից շուտ ապահոված Չինաստանի հավաքականը գրանցեց 100 տոկոսանոց արդյունք՝ 18 միավոր: Ռուսները 14 միավորով գրավեցին երկրորդ տեղը, իսկ երրորդ տեղը զբաղեցրեց Վրաստանը:
Հիշեցնենք, որ կանանց Հայաստանի հավաքականն աշխարհի առաջնության մասնակցության իրավունքը ստացել է 2018թ. Օլիմպիադայում 6-րդ տեղ գրավելու շնորհիվ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։