Պոլ Սքոուլզն Անգլիայի չորրորդ դիվիզիոնի թիմը գլխավորեց մեկ ամիս

10:10   15 մարտի, 2019

Ֆուտբոլի Անգլիայի հավաքականի եւ «Մանչեսթեր Յունայթեդի» նախկին կիսապաշտպան Պոլ Սքոուլզը հեռացել է «Օլդհեմի» գլխավոր մարզիչի պաշտոնից, հաղորդում է ակումբի կայքը:

44-ամյա անգլիացին փետրվարի 11-ին էր գլխավորել Անգլիայի չորրորդ դիվիզիոնում հանդես եկող ակումբը, որի հետ կնքել էր կես տարվա պայամանագիր: Նրա հեռանալու պատճառը չի նշվում:

Սքոուլզի գլխավորությամբ «Օլդհեմն» անցկացրել է 5 հանդիպում, կրել 3 պարտություն եւ գրանցել 2 ոչ ոքի:

Հիշեցնենք, որ Պոլ Սքոուլզը կարիերան ավարտել է 2013 թվականին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։