#Corner Սամվել Սուքիասյանի հետ․ Մխիթարյանն՝ ամսվա խաղացող «Արսենալում», Բաբայանի գոլը Ռոնալդուի ոճով
09:09 14 մարտի, 2019NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 21-րդ թողարկումը՝ հայկական ֆուտբոլի կարեւոր իրադարձությունների ամենշաբաթյա ամփոփմամբ։
Սամվել Սուքիասյանը զրուցել է Հայաստանի հավաքականից հրավեր ստացած կիսապաշտպան Էդգար Բաբայանի հետ, որն օրերս դանիական «Հոբրոյի» կազմում հրաշալի հարվածով գրավել էր Դանիայի չեմպիոն «Միդտյուլանդի» դարպասը։
#Corner-ը ներկայացնում է հարցազրույց նաեւ Երեւանի «Միկայի», Լիտվայի «Տրակայի», ամերիկյան «Չիկագո Ֆայրի», դանիական «Վայլեի» եւ խորվաթական «Գորիցայի» նախկին խաղացող Դավիթ Արշակյանի հետ, որը պատմել է Վորոնեժի «Ֆակելում» հարմարվելու եւ Հայաստանի հավաքական վերադառնալու ցանկության մասին։
Եվրո-2020-ի ընտրական փուլի առաջիկա հանդիպումներին պատրաստվելու համար Հայաստանի հավաքականի գլխավոր մարզիչ Արմեն Գյուլբուդաղյանցը հրավիրել է արտերկրում հանդես եկող 14 ֆուտբոլիստների։
Սամվել Սուքիասյանն այցելել է Երեւանի «Բանանցի» մարզաբազա, ծանոթացել ստադիոնի վերակառուցման ընթացքին։ Այն արդեն ունի նոր խոտածածկ։
Հայաստանի Բարձրագույն խմբի առաջնությունում տեղի են ունեցել 22-րդ տուրի հանդիպումները։ ՀՖՖ Արտոնագրման կոմիտեն ընդունել է 10 ակումբների հայտերը, մերժել երկու ակումբի։
Հայաստանի հավաքականի կիսապաշտպան Հենրիխ Մխիթարյանը ճանաչվել է «Արսենալի» լավագույն խաղացողը փետրվարին տեղի ունեցած հանդիպումների արդյունքում։
#Corner-ը ներկայացնում է արտերկրում հանդես եկող հայ ֆուտբոլիստների մրցելույթները։
Վերջում էլ, ավանդույթի համաձայն, զվարճալի տեսանյութեր տարբեր երկրներից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.