Ռուսաստանի հավաքականը՝ շախմատի աշխարհի չեմպիոն

19:12   13 մարտի, 2019

Շախմատի Ռուսաստանի հավաքականը Աստանայում ավարտին մոտեցող աշխարհի թիմային առաջնության վերջին տուրից առաջ ապահովեց չեմպիոնի կոչումը:

Նախավերջին՝ 8-րդ տուրում ռուսները 3.5:0.5 հաշվով հաղթեցին Շվեդիայի հավաքականին եւ վաստակեցին 14 միավոր: 2-3-րդ տեղերը բաժանող Անգլիայի ու Հնդկաստանի թիմերը հետ են 3-ական միավոր:

Ռուսաստանի հավաքականի կազմում հանդես են գալիս Սերգեյ Կարյակինը, Յան Նեպոմնյաշչին, Ալեքսանդր Գրիշչուկը, Դմիտրի Անդրեյկինը եւ Վլադիսլավ Արտեմեւը: Ռուսներն աշխարհի թիմային առաջնությունում հաղթել էին նաեւ1997, 2005, 2010, 2013 թվականներին:

Հիշեցնենք, որ Հայաստանի հավաքականը չի մասնակցում աշխարհի թիմային առաջնությանը:

Ավելի վաղ կանանց աշխարհի չեմպիոնի կոչումը ժամանակից շուտ ապահովել էր Չինաստանի հավաքականը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։