Տիգրան Բարսեղյանը՝ «Կայսարում» իր նորամուտի եւ Հայաստանի թիմի առաջիկա խաղերի մասին
20:12 12 մարտի, 2019Գերազանց տպավորություններ մնացին «Կայսարում» իմ նորամուտից, ասել է Հայաստանի հավաքականի հարձակվող Տիգրան Բարսեղյանը NEWS.am Sport-ի թղթակցի հետ զրույցում։
Ղազախստանի առաջնության առաջին տուրում «Կայսարը» տանը նվազագույն հաշվով պարտվել էր «Ատիրաուին», 25-ամյա հայ ֆուտբոլիստն անցկացրել էր ամբողջ հանդիպումը։
«Ակումբում ամեն ինչ հավանում եմ, ունենք բարձրակարգ մարզիչ։ Մենք լավ հանդիպում անցկացրինք, սակայն հաջողությունը երես էր թեքել մեզնից։ Չիրացրինք մի քանի գոլային պահեր, ինչն էլ բերեց պարտության։
Շուտով կմիանամ հավաքականին, իսկ մարզիչները կներկայացնեն մրցակիցների խաղի մանրամասն վերլուծությունը։ Ազգային թիմում կա միայն մեկ նպատակ՝ հաղթել»,- նշել է Բարսեղյանը։
Հիշեցնենք, որ 2020թ․ Եվրոպայի առաջնության ընտրական փուլում Հայաստանի հավաքականը մարտի 23-ին կհյուրընկալվի Բոսնիա-Հերցեգովինայի հավաքականին, իսկ մարտի 26-ին կընդունի Ֆինլանդիայի թիմին։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.