Փետրվարի հանդիպումների արդյունքում Լոնդոնի «Արսենալի» լավագույն ֆուտբոլիստ է ճանաչվել Հայաստանի ազգային հավաքականի կիսապաշտպան Հենրիխ Մխիթարյանը։ Անգլիական ակումբի պաշտոնական կայքում անցկացված քվեարկությամբ, հայ ֆուտբոլիստը ստացել է ձայների 40 տոկոսը։
«Արսենալը» թվիթերյան գրառումով շնորհավորել է Մխիթարյանին։
Մրցանակին հավակնում էին նաեւ ֆրանսիացի հարձակվող Ալեքսանդր Լյակազեթը, գերմանացի դարպասապահ Բերնդ Լենոն եւ բոսնիացի պաշտպան Զեադ Կոլաշինացը:
Պրեմյեր լիգայի 27-րդ տուրում, «Սաութհեմփթոնի» դեմ խաղում (2:0) Մխիթարյանը դարձել էր գոլի եւ գոլային փոխանցման հեղինակ, իսկ 28-րդ տուրում՝ «Բորնմութի» դեմ խաղում (5:1) խփել էր մեկ գոլ, կատարել երկու գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։