Մեծ է հավանականությունը, որ ամառային տրանսֆերային պատուհանի ժամանակ Ամստերդամի «Այաքսի» պաշտպան Մատեյս Դե Լիգտը կտեղափոխվի «Բարսելոնա», հաղորդում է Catalunya Radio-ն։
Կատալոնական ակումբը պատրաստ է 19-ամյա ֆուտբոլիստի համար վճարել 70 միլիոն եվրո։ Դե Լիգտի գործակալն է իտալացի Մինո Ռայոլան։ Ֆուտբոլիստը եւս ցանկություն ունի կարիերան շարունակել «Բարսելոնայում», թեեւ առաջարկներ ունի եւս մի քանի առաջատար ակումբներից։ Նրա ծառայություններով հետաքրքրված է, մասնավորապես, Թուրինի «Յուվենտուսը»։
Հիշեցնենք, որ «Բարսելոնան» արդեն պայմանագիր է կնքել «Այաքսի» կիսապաշտպան Ֆրենկի Դե Յոնգի հետ, որը Կատալոնիա կտեղափոխվի ամռանը։ Դե Յոնգն ու Դե Լիգտը մոտ ընկերներ են։ Նրանք ցանկություն ունեն կարիերան շարունակել նույն թիմում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։