Լուի վան Գալն ավարտեց մարզչական կարիերան
17:12 11 մարտի, 2019Հոլանդացի հայտնի մասնագետ Լուի վան Գալը պաշտոնապես հայտարարել է մարզչական կարիերան ավարտելու մասին:
«Ավարտում եմ այս գործը: Կինս դադարել է աշխատել 22 տարի առաջ, որպեսզի ինձ ուղեկցի արտասահմանյան աշխատանքում: Ես ասել էի նրան, որ թոշակի կգնամ 55 տարեկանում: Այլեւս չեմ կարող շարունակել:
Ինչպես ֆուտբոլիստները, այնպես էլ կինս ունի Լուի վան Գալի հետ ապրելու իրավունք: Կարող եմ ասել, որ նա շատ երջանիկ է»,- 67-ամյա մասնագետի խոսքը մեջբերում է AS-ը:
Լուի վան Գալի վերջին ակումբը եղել է «Մանչեսթեր Յունայթեդը», որը նա գլխավորեց 2014-2016-ը: Մարզչական կարիերայի ընթացքում նա գլխավորել է նաեւ հոլանդական «ԱԶ Ալկմարն» ու «Այաքսը», «Բարսելոնան», Հոլանդիայի ազգային հավաքականը եւ Մյունխենի «Բավարիան»: Նա դարձել է Հոլանդիայի, Իսպանիայի ու Գերմանիայի չեմպիոն եւ գավաթակիր, նվաճել Անգլիայի գավաթը, ինչպես նաեւ «Այաքսի» հետ հաղթել Չեմպիոնների լիգայում, ՈւԵՖԱ-ի Գավաթում ու Միջմայրցամաքային Գավաթում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.