Ռոդնինայի անվան գեղասահքի երեւանյան մարզադպրոցը, հնարավոր է, անվանափոխվի
19:48 6 մարտի, 2019Երեւանի Իրինա Ռոդնինայի անվան գեղասահքի մարզադպրոցը, հնարավոր է, անվանափոխվի: Այս նախաձեռնությամբ են որոշել հանդես գալ ԱԺ մի քանի պատգամավորներ: Համաձայն շրջանառվող լուրերի, պատգամավորները մտադիր են Երեւանի ավագանուն առաջարկել փոխել մարզադպրոցի անունը:
Պատճառը՝ վերջերս անվանի գեղասահորդուհու այցն էր Բաքու եւ նրա հարցազրույցը ադրբեջանական լրատվամիջոցին հայերի կողմից իբրեւ թե իրագործված վայրագությունների մասին:
Հիշեցնենք, որ Երեւանի գեղասահքի մարզադպրոցը եռակի օլիմպիական չեմպիոն, աշխարհի, Եվրոպայի եւ ԽՍՀՄ բազմակի չեմպիոն Իրինա Ռոդնինայի անունով է կոչվել 2015 թվականին՝ համաձայն Երեւանի քաղաքապետարանի ընդունած որոշման: Մարզադպրոցի նորակառույց շենքի պաշտոնական բացումը տեղի էր ունեցել 2015 թվականի դեկտեմբերի 5-ին, որին մասնակցել էր անձամբ եռակի օլիմպիական չեմպիոնը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։