Ֆուտբոլի Հայաստանի Բարձրագույն խմբի առաջնության 21-րդ տուրում Վանաձորի «Լոռին» սեփական խաղադաշտում 2:0 հաշվով հաղթեց «Արցախին», իսկ Գյումրիի «Շիրակը» Երեւանում 2:0 հաշվով ուժեղ գտնվեց «Արարատից»:
«Լոռիի» կազմում դուբլի հեղինակ դարձած Հաիթիի հավաքականի հարձակվող Ջոնել Դեսիրեն 10 գոլով հավասարվեց ռմբարկուների ցուցակը գլխավորող Իվայլո Դիմիտրովին, որն այս ձմռանն «Արարատ-Արմենիայից» տեղափոխվել է ղազախական «Ժետիսու»:
«Լոռին» պաշտոնական խաղերում առաջին հաղթանակը տարավ Արթուր Պետրոսյանի գլխավորությամբ եւ 29 միավորով 5-րդ տեղում է: «Շիրակը» 26 միավորով 6-րդն է, իսկ մրցաշարային աղյուսակը եզրափակող «Արցախն» ու «Արարատն» ունեն 13-ական միավոր:
Հայաստանի առաջնություն, 21-րդ տուր
«Արարատ» - «Շիրակ»՝ 0:2
Նտիկա Բոնդոմբե, 17 (ինքնագոլ), Մուսա Բակայոկո, 48 (11մ)
«Լոռի» - «Արցախ»՝ 2:0
Ջոնել Դեսիրե, 10, 60
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։