Մաքսիմ Մանուկյանը եզրափակիչում ոչ մի հնարավորություն չտվեց ճապոնացի մրցակցին՝ 8:0
23:05 2 մարտի, 2019Հունահռոմեական ոճի ըմբշամարտի աշխարհի չեմպիոն Մաքսիմ Մանուկյանը նվաճեց Բուլղարիայի Ռուսե քաղաքում անցկացվող Դան Կոլովի և Նիկոլա Պետրովի անվան ավանդական մրցաշարի հաղթողի կոչումը: 87 կգ քաշային կարգի եզրափակիչում Մաքսիմ Մանուկյանը ոչ մի հնարավորություն չտվեց ճապոնացի Մասատո Սումիին՝ հաղթելով 8:0 հաշվով:
Մանուկյանը եզրափակիչից առաջ հաղթել էր չինացի եւ եգիպտացի մրցակիցների, նաեւ Հայաստանի հավաքականի ըմբիշ Արթուր Շահինյանին՝ 7:0: Բրոնզե մեդալի համար գոտեմարտին Շահինյանը չի ներկայացել:
82 կգ քաշային կարգում բրոնզե մեդալի համար գոտեմարտել են Հայաստանի ներկայացուցիչներ Սարգիս Քոչարյանն ու Էդուարդ Սարգսյանը։ 5:0 հաշվով հաղթել է Սարգիս Քոչարյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։