Ձմեռային խաղադադարից հետո վերսկսվեց ֆուտբոլի Հայաստանի Բարձրագույն խմբի առաջնությունը: 20-րդ տուրում չեմպիոն «Ալաշկերտը» տանը խաղաց «Փյունիկի» հետ եւ պարտություն կրեց 1:2 հաշվով: Հյուրերն առավելության հասան Արթուր Մինասյանի եւ Դենիս Տալալայի գոլերի շնորհիվ: «Ալաշկերտը» թիմի նորեկ, ռուսաստանցի հարձակվող Ալեքսանդր Պրուդնիկովի գոլի շնորհիվ կրաճտեց հաշվի տարբերությունը, սակայն ավելին անել չկարողացավ:
Օրվա մյուս խաղում «Արարատ-Արմենիան» Ավանի Ֆուտբոլի ակադեմիայի խաղադաշտում մրցեց «Արարատի» հետ եւ հաղթանակ տարավ 4:1 հաշվով: Դուբլի հեղինակ դարձավ կոտդիվուարցի հարձակվող Ժան-Ժակ Բուգուին:
«Ալաշկերտը» 18 խաղից հետո 33 միավորով մնաց առաջին տեղում, «Փյունիկը» հետ է 3 միավոր: «Արարատ-Արմենիան» 29 միավորով երրորդն է, սակայն մեկ հանդիպում քիչ անցկացրած «Բանանցը» եւս ունի 29 միավոր: «Արարատը» նախավերջին տեղում է՝ 13 միավոր:
Հայաստանի առաջնություն, 20-րդ տուր
«Ալաշկերտ» - «Փյունիկ»՝ 1:2 (տեսանյութ)
Ալեքսանդր Պրուդնիկով, 65 - Արթուր Միրանյան, 3, Դենիս Տալալայ, 51
«Արարատ-Արմենիա» - «Արարատ»՝ 4:1 (տեսանյութ)
Ժան-Ժակ Բուգուի, 11, 51, Անտոն Կոբյալկո, 86, Պետրոս Ավետիսյան, 90+3 - Արտյոմ Սիմոնյան, 63, 11մ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։