Ծանրամարտի Հայաստանի հավաքականը պատրասվում է ապրիլի 6-14-ը Բաթումիում կայանալիք Եվրոպայի առաջնությանը: Փաշիկ Ալավերդյանի գլխավորած թիմն այս շրջանում ուսումնամարզական հավաք է անցնում Ծաղկաձորի մարզաբազայում:
Հավաքին մասնակցում են ազգային հավաքականի բոլոր անդամները, այդ թվում օլիմպիական փոխչեմպիոն, աշխարհի չեմպիոն Սիմոն Մարտիրոսյանը, օլիմպիական փոխչեմպիոն Գոռ Մինասյանը, 2016թ. Եվրոպայի չեմպիոն Անդրանիկ Կարապետյանը:
NEWS.am Sport-ի թղթակցը հետեւել է ծաղկաձորյան մարզումներից մեկին:
Ծանրորդների մարզումները ուրախ են անցնում, մասնավորապես, աշխարհի չեմպիոն Սիմոն Մարտիրոսյանի յուրահատուկ հումորով:
Եվրոպայի առաջնությունում Հայաստանի հավաքականը կունենա 10 ներկայացուցիչ: Քաշային կարգը Հայաստանի թիմի համար կսկսի 73 կգ-ից: ԵԱ-ի համար կազմը կհայտարարվի վերջին հավաքի ընթացքում: Ծաղկաձորից հետո, ծանրորդները հավաքներ կունենան նաեւ Երեւանում եւ Աբովյանում:
Եվրոպայի առաջնությունն օլիմպիական վարկանիշային է:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։