22-ամյա ռուս հարձակվողը՝ «Ալաշկերտի» ֆուտբոլիստ
17:45 28 փետրվարի, 2019«Ալաշկերտը» պայմանագիր է կնքել 22-ամյա ռուս հարձակվող Նիկիտա Տանկովի հետ, հայտնում է ակումբի մամուլի ծառայությունը:
Տանկովը «Ռուբինի» սան է, հանդես է եկել Կազանի ակումբի երկրորդ թիմում, եղել է Սանկտ Պետերբուրգի «Զենիթի» հետաքրքրության ոլորտում, այնուհետև հանդես է եկել Սմոլենսկի ՑՐՖՍՕ և «Դնեպր» ակումբներում` ընդգրկվելով Ռուսաստանի երկրորդ դիվիզիոնի (ՊՖԼ) ամենահեռանկարային ֆուտբոլիստների շարքում:
Արագավազ ֆուտբոլիստը մասնակցել է Բելեկում կայացած երկրորդ ուսումնամարզական հավաքին և լավ տպավորություն է թողել «Ալաշկերտի» մարզչական շտաբի վրա:
Ռուս հարձակվողը փոխարինման է մտել ղազախական «Օրդաբասիի» դեմ խաղում` դառնալով հաղթական գոլի հեղինակ:
2017 թվականին Նիկիտա Տանկովը Մինսկում կայացած ստուգողական խաղում գրավել է «Ալաշկերտի» դարպասը ռուսական «Լուչ-Էներգիայի» կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։