Aeroflot Open. Հայկ Մարտիրոսյանը հաղթեց Տիգրան Լ. Պետրոսյանին եւ գրավեց երկրորդ տեղը

21:30   27 փետրվարի, 2019

Հայաստանի 18-ամյա ներկայացուցիչ Հայկ Մարտիրոսյանը երկրորդ տեղը գրավեց Մոսկվայում ավարտված Aeroflot Open ավանդական շախմատային մրցաշարում:

Վերջին տուրում Հայկ Մարտիրոսյանը սեւերով պարտության մատնեց Տիգրան Լ. Պետրոսյանին եւ 9 հնարավորից վաստակեց 7 միավոր: Նույնքան միավոր հավաքեց նաեւ 42-ամյա էստոնացի Կայդո Կուալոտսը, որը լրացուցիչ ցուցանիշով (5 պարտիա սեւերով, Մարտիրոսյանը՝ 4 պարտիա) գրավեց առաջին տեղը:

Մրցաշարի մրցանակային հիմնադրամը 65 հազար եվրո էր: Հաղթողը կստանա 18 հազար, երկրորդ մրցանակակիրը՝ 10 հազար եվրո:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։