Երկրորդ Բունդեսլիգա․ Սարգիս Ադամյանն ընդգրկվել է տուրի խորհրդանշական հավաքականում (ֆոտո)

13:54   26 փետրվարի, 2019

«Յան Ռեգենսբուրգի» հարձակվող Սարգիս Ադամյանը Whoscored-ի վարկածով ընդգրկվել է գերմանական երկրորդ Բունդեսլիգայի 23-րդ տուրի խորհրդանշական հավաքականում։

Հայաստանի ազգային հավաքականի 25-ամյա ֆուտբոլիստն արժանացել է 7․9 գնահատականի։

Հիշեցնենք, որ նախորդ տուրում «Յան Ռեգենսբուրգը» սեփական խաղադաշտում 2:1 հաշվով կամային հաղթանակ էր տարել առաջատար «Համբուրգի» նկատմամբ: Դաշտի տերերի պատասխան գոլը 74-րդ րոպեին խփել էր Սարգիս Ադամյանը, որը մեկնարկային կազմում խաղացել էր 91 րոպե:

Առաջին շրջանում Սարգիս Ադամյանը հեթ-տրիկի հեղինակ էր դարձել «Համբուրգի» դեմ խաղում (5:0): Ընթացիկ առաջնությունում հայ հարձակվողը գոլերի քանակը հասցրեց 9-ի:

23-րդ տուրից հետո «Յան Ռեգենսբուրգը» 33 միավորով 8-րդ տեղում է: «Համբուրգը» մրցաշարային աղյուսակը գլխավորում է 44 միավորով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։