Սարգիս Ադամյանի գոլը նպաստեց առաջատար «Համբուրգի» նկատմամբ կամային հաղթանակին

18:50   24 փետրվարի, 2019

Գերմանական երկրորդ Բունդեսլիգայի 23-րդ տուրում «Յան Ռեգենսբուրգը» սեփական խաղադաշտում 2:1 հաշվով կամային հաղթանակ է տարել առաջատար «Համբուրգի» նկատմամբ:

Դաշտի տերերի պատասխան գոլը 74-րդ րոպեին խփել է Հայաստանի ազգային հավաքականի հարձակվող Սարգիս Ադամյանը, որը մեկնարկային կազմում խաղացել է 91 րոպե: 69-րդ րոպեից «Համբուրգը» հանդես է եկել 10 խաղացողներով, իսկ ավելացված ժամանակում ստացել է նաեւ երկրորդ կարմիր քարտը:

Հիշեցնենք, որ առաջին շրջանում Սարգիս Ադամյանը հեթ-տրիկի հեղինակ էր դարձել «Համբուրգի» դեմ խաղում (5:0): Ընթացիկ առաջնությունում հայ հարձակվողը գոլերի քանակը հասցրեց 9-ի:

23-րդ տուրից հետո «Յան Ռեգենսբուրգը» 33 միավորով 8-րդ տեղում է: «Համբուրգը» մրցաշարային աղյուսակը գլխավորում է 44 միավորով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։