Կիեւի «Արսենալը» հայտավորել է Գեղամ Կադիմյանին
11:55 24 փետրվարի, 2019«Վորսկլայից» հեռացած 26-ամյա կիսապաշտպան Գեղամ Կադիմյանը կշարունակի ելույթներն Ուկրաինայի առաջնությունում:
Հայաստանի հավաքականի թեկնածուն համալրել է Կիեւի «Արսենալը», որի կազմում վերջին շրջանում անցնում էր փորձաշրջան: Նոր թիմում Կադիմյանը կխաղա 7 համարի մարզաշապիկով: «Արսենալը» հայ ֆուտբոլիստին հայտավորել է Ուկրաինայի Պրեմյեր լիգային:
Ուկրաինայի ընթացիկ առաջնությունում «Արսենալը» 8 միավորով վերջին տեղում է:
Գեղամ Կադիմյանը 2017 թվականից էր խաղում «Վորսկլայում», որի կազմում մասնակցել է 31 հանդիպման, խփել 2 գոլ, կատարել 1 գոլային փոխանցում: Հայաստանի հավաքականում անցկացրած 10 խաղում նա դարձել է 2 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։