Դավիթ Արշակյանը՝ ռուսական «Ֆակելի» խաղացող
14:02 23 փետրվարի, 2019Ֆուտբոլի Հայաստանի ազգային հավաքականի թեկնածու Դավիթ Արշակյանը պայմանագիր է կնքել Ռուսաստանի Ֆուտբոլի ազգային լիգայում հանդես եկող «Ֆակելի» հետ, հայտնում է ակումբի պաշտոնական կայքը, որը ներկայացրել է վեց նորեկների, այդ թվում Արշակյանին:
Հիշեցնենք, որ այս ամիս Հայաստանի երիտասարդական հավաքականի նախկին հարձակվողը Թուրքիայում փորձաշրջան էր անցնում Ուկրաինայի Պրեմյեր լիգայում հանդես եկող «Դեսնայի» մարզումային հավաքի ժամանակ:
Երեւանի «Միկայի», Լիտվայի «Տրակայի», ամերիկյան «Չիկագո Ֆայրի», դանիական «Վայլեի» նախկին ֆուտբոլիստ, 24-ամյա Դավիթ Արշակյանը վերջերս էր հեռացել խորվաթական «Գորիցայից»: Նա մեկ հանդիպում է անցկացրել Հայաստանի ազգային հավաքականում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։