Կլոպ. Չեմ կասկածում, որ Սուլշերը «Մանչեսթեր Յունայթեդում» կլինի նաեւ հաջորդ մրցաշրջանում
13:27 23 փետրվարի, 2019Չեմ կասկածում, որ Սուլշերը «Մանչեսթեր Յունայթեդում» կլինի նաեւ հաջորդ մրցաշրջանում, ասել է «Լիվերպուլի» գերմանացի գլխավոր մարզիչ Յուրգեն Կլոպը մանչեսթերյան թիմի դեմ Անգլիայի առաջնության 27-րդ տուրի հանդիպումից առաջ:
«Բոլոր մարզիչներին անհրաժեշտ է հաջողություն աշխատանքում: Երբ «Մայնցից» հետո գլխավորեցի «Բորուսիան», մարդիկ ասում էին, որ ես չունեմ միջազգային փորձ: Եվ դա ճշմարտություն էր:
Անսովոր է, որ Նորվեգիայում աշխատող մարզիչն առաջարկ է ստանում «Մանչեսթեր Յունայթեդից»: Դա ակնհայտ է: Բայց Սուլշերը ցույց տվեց իր բարձր կարգը: Նա գերազանց դրսեւորեց իրեն, եւ նա հաջողակ էր ճիշտ պահին: Նա արժանի է գլխավոր մարզիչի պաշտոնին: Չեմ պատկերացնում, որ ամռանը ակումբը նրա փոխարեն ուրիշին վստահի»,- Կլոպի խոսքը մեջբերում է Goal.com-ը:
«Մանչեսթեր Յունայթեդ» - «Լիվերպուլ» հանդիպումը տեղի կունենա փետրվարի 24-ին եւ կմեկնարկի Երեւանի ժամանակով 18:05-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։