Սուլշեր. Գիտենք, թե ինչքան կարեւոր է «Մանչեսթեր Յունայթեդի», ֆանատների համար «Լիվերպուլի» հետ դիմակայությունը
22:49 22 փետրվարի, 2019«Մանչեսթեր Յունայթեդը» գլխավոր մարզիչի պաշտոնակատար, նորվեգացի Ուլե-Գունար Սուլշերը խոսել է «Լիվերպուլի» դեմ Անգլիայի առաջնության 27-րդ տուրի հանդիպումից իր սպասելիքների մասին:
«Սա կարեւոր հանդիպում է երկու թիմերի համար էլ: Մենք ցանկանում ենք հայտնվել լավագույն քառյակում: Գիտենք, թե ինչքան կարեւոր է «Մանչեսթեր Յունայթեդի», ֆանատների համար «Լիվերպուլի» հետ դիմակայությունը: Մեր թիմի համար լուրջ մարտահրավեր է, բարդ հանդիպում:
«Լիվերպուլն» այս մրցաշրջանում անհավանական է: Բայց նրանք գիտեն, որ «Օլդ Տրաֆորդում» խաղալը բարդ է: Կարծում եմ՝ կլինի փոխադարձ հարգանք: Նրանք ունեն բազմաթիվ լավ խաղացողներ:
Ես ցանկանում եմ, որ մենք ավելի լավ խաղանք, քան ՊՍԺ-ի հետ: Դա է մեր նպատակը: Պետք է օգուտ քաղենք ՊՍԺ-ի հետ խաղից ստացած փորձից եւ մնանք խաղի մեջ ամբողջ հանդիպման ընթացքում»,- Սուլշերի խոսքը մեջերում է մանչեսթերյան ակումբի մամուլի ծառայությունը:
«Մանչեսթեր Յունայթեդ» - «Լիվերպուլ» հանդիպումը տեղի կունենա փետրվարի 24-ին եւ կմեկնարկի Երեւանի ժամանակով 18:05-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։