ՖԻՖԱ-ն Լոնդոնի «Չելսիին» մեղավոր է ճանաչել անչափահաս խաղացողների տրանսֆերներում խախտումներ թույլ տալու հարցով, հայտնում է ՖԻՖԱ-ի կայքը։
Հայտնաբարել են անչափահաս խաղացողների անօրինական 29 գրանցումներ։ Այդ կապակցությամբ ՖԻՖԱ-ն «Չելսիի» վրա տրանսֆերային արգելք է սահմանել առաջիկա 2 պատուհանների ընթացքում։
Արքելքը վերաբերում է «Չելսիի» բոլոր թիմերին, այդ թվում՝ կանանց եւ ֆուտզալի։ Այսպիսով, լոնդոնյան ակումբը չի կարողանա տրանսֆերներ իրականացնել 2019-ի ամռանն ու 2020-ի հունվարին։ Բացի այդ, «Չելսին» տուգանվել է նաեւ 600 հազար շվեյցարական ֆրանկ։
Միեւնույն ժամանակ, ՖԻՖԱ-ի որոշումը դեռ չի մտել ուժի մեջ։ «Չելսին» ունի բողոքարկելու հնարավորություն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։