Յուրա Մովսիսյանը հանդիպել է առողջապահության նախարարի հետ (ֆոտո)
11:09 22 փետրվարի, 2019Ֆուտբոլի Հայաստանի ազգային հավաքականի հարձակվող Յուրա Մովսիսյանը Երեւանում հանդիպել է Հայաստանի առողջապահության նախարար Արսեն Թորոսյանի հետ: Այդ մասին Արսեն Թորոսյանը հայտնել է ֆեյսբուքյան էջում:
«Քննարկում ենք մի հետաքրքիր նախագիծ հայկական սպորտի համար»,- գրել է Արսեն Թորոսյանը:
Հիշեցնենք, որ 2018-ի վերջնամասում Յուրա Մովսիսյանը հեռացել էր ամերիկյան «Չիկագո Ֆայրից», որի կազմում մասնակցել է MLS-ի ավարտված մրցաշրջանի 4 հանդիպման: Նախկինում նա հանդես է եկել նաեւ ամերիկյան «Կանզաս Սիթիում» ու «Ռեալ Սոլթ Լեյքում», դանիական «Ռանդերսում», ռուսական «Կրասնոդարում» ու «Սպարտակում», շվեդական «Յուրգորդենում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։