Մադրիդի «Ռեալի» բրազիլացի պաշտպան Մարսելոն հանդիպել է Արքայական ակումբի ղեկավարության հետ եւ վերջնագիր է ներկայացրել, հաղորդում է cope.es-ը: Ֆուտբոլիստը դժգոհ է իր կարգավիճակից արգենտինացի Սանտյագո Սոլարիի ղեկավարած թիմում եւ պահանջել է ամռանը չխանգարել իր տեղափոխությանը, եթե իրավիճակը չփոխվի մինչեւ այդ:
Մարսելոյի պայմանագիրը «Ռեալի» հետ նախատեսված է մինչեւ 2022 թվականը:
Ոչ պաշտոնական տվյալներով, Թուրինի «Յուվենտուսը» պորտուգալացի հարձակվող Կրիշտիանու Ռոնալդուի հորդորով մտադիր է ձեռք բերել Մարսելոյին եւ պատրաստ է վճարել 45 միլիոն եվրո:
Ընթացիկ մրցաշրջանում Մարսելոն «Ռեալում» մասնակցել է 24 հանդիպման, խփել է 3 գոլ, կատարել 4 գոլային փոխանցում:
30-ամյա ֆուտբոլիստը «Ռեալում» է 2007 թվականից: Այս մրցաշրջանում ունեցել է երեք վնասվածք:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։