Ֆրանսիայի չեմպիոն ՊՍԺ-ն ցանկանում է ձեռք բերել Լոնդոնի «Արսենալի» 19-ամյա կիսապաշտպան Մատեո Գենդուզիին: Գերմանացի Թոմաս Տուխելի գլխավորած թիմը փոխարինող է փնտրում Ադրիան Ռաբյոյին:
«Արսենալը» պատրաստ է վաճառել Գենդուզիին 60 միլիոն ֆունտ ստերլինգով, հաղորդում է բրիտանական The Express-ը:
Անցած ամռանը լոնդոնյան ակումբը ֆրանսիացի կիսապաշտպանի համար ֆրանսիական «Լորյանին» վճարել էր 8 միլիոն ֆունտ ստերլինգ: Գենդուզիի պայմանագիրն «Արսենալի» հետ նախատեսված է մինչեւ 2022թ. հունիսի 30-ը:
Ընթացիկ մրցաշրջանում Գենդուզին «Արսենալի» կազմում մասնակցել է 33 հանդիպման, խփել 1 գոլ, կատարել 2 գոլային փոխանցում:
Գենդուզին 5-ից մինչեւ 15 տարեկան հանդես է եկել ՊՍԺ-ի մանկապատանեկան թիմերում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։