Հայաստանի երկու տարիքային խմբերի հինգ մարզուհիներ 36 երկրների ներկայացուցիչների թվում մասնակցել են Մոսկվայում անցկացված գեղարվեստական մարմնամարզության «Գրան պրի» միջազգային ավանդական մրցաշարին:
Ավագների բազմամարտի պայքարում Յուլյա Վոդոպյանովան գրավել է 6-րդ տեղը: Յասմինա Աղագուլյանը 8-րդն է եղել գնդակով վարժությունում, Սիլվա Սարգսյանը բավարարվել է ավելի համեստ արդյունքով, հաղորդում է ՀԱՕԿ լրատվականը:
Երիտասարդներ Աբիգայլ Պողոսյանը և Անժելիկա Կարախանյանը առաջին անգամ են մասնակցել արտագնա մրցումների եւ կարողացել են դրսևորել իրենց ունակությունները, թեև բարձր տեղեր չեն գրավել:
Ընթացիկ մրցաշրջանում օլիմպիական ուղեգրեր կվիճարկվեն Բաքվում կայանալիք Եվրոպայի (հունիս) և աշխարհի (սեպտեմբեր) առաջնություններում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։