Իրանում «Բավարիայի» հանդիպումը չեն ցուցադրել կին մրցավարի պատճառով

19:14   17 փետրվարի, 2019

Իրանի հետուստաալիքները չեն ցուցադրել նախապես ծրագրված Մյունխենի «Բավարիայի» եւ «Աուգսբուրգի» միջեւ ֆուտբոլի Գերմանիայի առաջնության 22-րդ տուրի հանդիպումը, տեղեկացնում է Frankfurter Allgemeine Zeitung-ը:

Հեռարձակման չեղյալ հայտարարելու պատճառ է դարձել կին գլխավոր մրցավար Բիբիանա Շտայնհաուսի նշանակումն այդ խաղում: Նշվում է, որ Իրանի հետուստատեսությունում արգելվում է ցուցադրել կիսավարտիքով կանանց:

Հիշեցնենք, որ Բիբիանա Շտայնհաուսը Գերմանիայի առաջնության պատմության առաջին կին մրցավարն է: Նա 2017 թվականից է աշխատում Բունդեսլիգայի խաղերում:

«Աուգսբուրգի» դեմ արտագնա խաղում «Բավարիան» կամային հաղթանակ էր տարել 3:2 հաշվով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։