40-ամյա Պիզարոն Բունդեսլիգայում գոլ է խփել 21-րդ տարին անընդմեջ եւ սահմանել նաեւ տարիքային ռեկորդ

11:10   17 փետրվարի, 2019

Բրեմենի «Վերդերի» պերուացի հարձակվող Կլաուդիո Պիզարոն, գոլի հեղինակ դառնալով Բեռլինի «Հերտայի» դեմ Գերմանիայի առաջնության 22-րդ տուրի խաղում (1:1), առաջին գոլն է խփել 2019 թվականին:

40-ամյա Պիզարոն պատմության առաջին ֆուտբոլիստն է, որը Բունդեսլիգայում գոլի հեղինակ է դառնում 21-րդ տարին անընդմեջ:

Բացի այդ, պերուացին դարձավ Բունդեսլիգայում գոլի հեղինակ դարձավ ամենատարեց ֆուտբոլիստը՝ ռեկորդը սահմանելով 40 տարեկան 136 օրականում: Այդ ցուցանիշով նախորդ ռեկորդակիրն էր «Վերդերի» նախկին հարձակվող Միրկո Վոտավան, որը 1996-ին աչքի էր ընկել 40 տարեկան 121 օրականում, հաղորդում է Gracenote-ն:

«Հերտայի» դեմ արտագնա խաղում Պիզարոն աչքի է ընկել ավելացված ժամանակի 6-րդ րոպեին: Գերմանիայում նա խաղացել է նաեւ Մյունխենի «Բավարիայում» եւ «Քյոլնում»:

Հիշեցնենք, որ Կլաուդիո Պիզարոն Գերմանիայի առաջնությունում ամենաշատ գոլ խփած լեգեոնականն է:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։