Միլանում փետրվարի 16-ին անհայտ անձինք քարեր են նետել իտալական «Ինտերի» արգենտինացի հարձակվող Մաուրո Իկարդիի մեքենայի վրա: 25-ամյա ֆուտբոլիստից բացի, մեքենայի մեջ եղել են նաեւ նրա կին Վանդա Նարան ու երեխաները: «Սան Սիրո» ստադիոնի մոտ տեղի ունեցած միջադեպից տուժողներ չկան, հաղորդում է Football Italia-ն:
Ոստիկանությունում Վանդա Նարան նաեւ հայտնել է, որ ստացել է սպառնալիքներ:
Сoronamagazine-ն գրում է, որ Իկարդիի կինը նրան դավաճանում է «Ինտերի» խորվաթ կիսապաշտպան Մարսելո Բրոզովիչի հետ: Վանդա Նարան 2018 թվականից էրոտիկ լուսանկարներ է ուղարկում Բրոզովիչին, ինչպես նաեւ գաղտնի հանդիպում է նրա հետ: Նշվում է, որ Իկարդին իմացել է այդ մասին եւ հարձակվել թիմակցի վրա:
Վանդա Նարան նաեւ արգենտինացի հարձակվողի գործակալն է: Վերջերս նա քննադատել էր «Ինտերի» ղեկավարությանը, ինչից հետո Իկարդին զրկվել էր թիմի ավագի թեւկապից, որը բաժին հասավ սլովենացի դարպասապահ Սամիր Հանդանովիչին:
Միլանյան ակումբը Իկարդիի ու նրա գործակալի հետ չի կարողանում փոխհամաձայնության գալ մինչեւ 2021 թվականը նախատեսված գործող պայմանագիրը երկարաձգելու հարցում: Այդ պատճառով «Ինտերը» պատրաստ է հարձակվողին վաճառել 80-90 միլիոն եվրոյով, թեեւ նրա պայմանագրում նշված է 110 միլիոն եվրո կլաուզուլա:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։