Սերենա Ուիլյամսը վերադառնում է WTA-ի լավագույն տասնյակ
11:10 13 փետրվարի, 2019Աշխարհի նախկին առաջին ռակետ Սերենա Ուիլյամսը տեւական ընդմիջումից հետո կվերադառնա WTA-ի համաշխարհային դասակարգման աղյուսակի լավագույն տասնյակ:
Փետրվարի 18-ին հրապարակվելիք նոր վարկանիշային ցուցակում 37-ամյա ամերիկուհին կզբաղեցնի 10-րդ տեղը: Սերենայի առաջընթացին կնպաստի դանիացի Կարոլին Վոզնյացկու հրաժարվելը Դոհայի մրցաշարի մասնակցությունից: Դրա պատճառով դանիացին կնահանջի WTA-ի աղյուսակի 14-րդ տեղ:
Հիշեցնենք, որ «Մեծ սաղավարտի» մրցաշարերի 23-ակի չեմպիոն Սերենա Ուիլյամսը WTA-ի լավագույն տասնյակում նախորդ անգամ եղել է 2017-ի հուլիսի 3-ին:
Ամերիկահայ գործարար Ալեքսիս Օհանյանից որդի ունենալուց հետո ամերիկուհին մասնակցել է 8 մրցաշարերի՝ խաղալով նաեւ Ուիմբլդոնի եւ US Open-ի եզրափակիչներում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։