«Արարատ-Արմենիան» հաղթել է «Ուրալին»

21:55   12 փետրվարի, 2019

Կիպրոսում երկրորդ հավաքը շարունակող «Արարատ-Արմենիան» փետրվարի 12-ին անցկացրել է 2 ստուգողական հանդիպում` հաղթել ու պարտվել:

Օրվա առաջին խաղում Վարդան Մինասյանի գլխավորած թիմը հանդես է եկել փորձնական կազմով եւ 0:4 հաշվով պարտվել է Կիպրոսի առաջին լիգայի ներկայացուցիչ «Պարալիմնին»:

Երկրորդ խաղում «Արարատ-Արմենիան» մրցել է Ռուսաստանի Պրեմյեր լիգայում հանդես եկող Եկատերինբուրգի «Ուրալի» հետ եւ հաղթել նվազագույն հաշվով: Առաջին խաղակեսում հայկական ակումբի հաղթական գոլը 11 մետրանոցից խփել է կոտդիվուարցի հարձակվող Ժան-Ժակ Բուգուին:

Հայաստանի հավաքականի պաշտպան Վարազդատ Հարոյանը հանդես է եկել «Ուրալի» մեկնարկային կազմում:

Երեւանյան ակումբը Կիպրոսում կմարզվի մինչեւ փետրվարի 21-ը:

Հիշեցնենք, որ առաջին մարզումային հավաքի ժամանակ «Արարատ-Արմենիան» հաղթել էր Կիպրոսի «Ակրիտաս Չլորակասին» (3:1) եւ «Դիգենիս Օրոկլինիսին» (2:0) եւ ոչ ոքի խաղացել ռուսական «Ուֆայի» հետ (1:1):



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։