Մադրիդի «Ռեալը» ցանկանում է ձեռք բերել Ֆրանկֆուրտի «Այնտրախտի» սերբ հարձակվող Լուկա Յովիչին:
Bild-ի համաձայն՝ Արքայական ակումբը պատրաստ է 45 միլիոն եվրո վճարել Սերբիայի հավաքականի 21-ամյա ֆուտբոլիստի համար եւ արդեն առաջարկ է արել նրա տրանսֆեր հարցով: Յովիչը գերմանական ակումբում խաղում է վարձավճարով, իսկ նրա տրանսֆերային իրավունքը պատկանում է Լիսաբոնի «Բենֆիկային»: «Այնտրախտն» ունի մրցաշրջանի վերջում նրան ձեռք բերելու իրավունք եւ մտադիր է օգտվել դրանից:
Գերմանիայի ընթացիկ առաջնությունում Յովիչը խփել է 14 գոլ եւ միանձնյա գլխավորում է ռմբարկուների ցուցակը:
Այս մրցաշրջանում Լուկա Յովիչը դարձել էր Բունդեսլիգայի մեկ խաղում 5 գոլ խփած ամենաերիտասարդ ֆուտբոլիստը: «Դյուսելդորֆի» դեմ խաղում (7:1) նա ռեկորդը գրանցել էր 20 տարեկան 300 օրականում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։