Բրիտանական մամուլը մանրամասներ է պարզել անգլիական «Լիդսի» արգենտինացի գլխավոր մարզիչ Մարսելո Բյելսայի կատարած լրտեսական «օպերացիայից»:
63-ամյա արգենտինացի մասնագետն ակումբ է բերել 20-ամյա աշխատակցի, որը ոչ միայն լրտեսել է մրցակիցներին, այլեւ տարբեր քաղաքներում աշխատանք է կատարել խաղերից առաջ:
Այս մրցաշրջանի ընթացքում այդ աշխատակիցը 24 ժամով մեկնել է այն քաղաք, որտեղ հանգրվանել է «Լիդսի» առաջիկա մրցակիցը: Նա հաղորդակցվել է տեղացիների հետ, կարդացել տեղի մամուլը եւ նույնիսկ բարերում խմել ակումբի երկրպագուների հետ: Այդ ամենն արվել է նրա համար, որպեսզի հնարավորինս ամեն ինչ իմանալ «Լիդսի» առաջիկա մրցակցի մասին, գրում է The Times-ը:
Հիշեցնենք, որ «Լիդսի» գլխավոր մարզիչի կողմից լրտեսության մասին հայտնի էր դարձել այն բանից հետո, երբ ակումբի աշխատակցին «Դերբի Քաունտիի» մարզաբազայում «բռնել» էին Չեմպիոնշիփի հերթական տուրի խաղից առաջ: Նա «Դերբիի» մարզմանը հետեւել էր հեռադիտակով: Դա եղել էր ոչ թե «Լիդսի» նախաձեռնությունը, այլ Մարսելո Բյելսայի:
Հիշեցնենք, որ անգլիական Չեմպիոնշիփի 31-րդ տուրից հետո «Լիդսը» 58 միավորով երկրորդ տեղում է եւ 2 միավոր է հետ առաջատար «Նորվիչից»։ Մարսելո Բյելսան նախորդ տարվա ամռանն է գլխավորել անգլիական ակումբը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։