NBA. Ռասել Ուեստբրուկի պատմական ռեկորդը
16:37 12 փետրվարի, 2019Բասկետբոլի ազգային ասոցիացիայի (NBA) կանոնավոր առաջնության հերթական տուրում «Օկլահոման» 120:111 հաշվով տնային հաղթանակ է տարել «Պորտլենդի» նկատմամբ:
Հանդիպման ամենաարդյունավետ բասկետբոլիստ է ճանաչվել «Օկլահոմայի» խաղացող Պոլ Ջորջը, որը հավաքել է 47 միավոր եւ դարձել նաեւ թրիփլ-դաբլի հեղինակ:
«Օկլահոմայի» առաջատար Ռասել Ուեստբրուկը վաստակել է 21 միավոր, կատարել 11 արդյունավետ փոխանցում, 14 անգամ տիրել օղակից հետ եկած գնդակին եւ թրիփլ-դաբլի հեղինակ դարձել 10-րդ խաղում անընդմեջ: Դա պատմական ռեկորդ է NBA-ի պատմության մեջ: Այդ ցուցանիշով նախորդ ռեկորդը պատկանում էր Ուիլտ Չեմբերլենին, որը 1967/68 մրցաշրջանում թրիփլ-դաբլի հեղինակ էր դարձել 9 խաղերում անընդմեջ, փոխանցում է NBA-ի կայքը:
Դա ամերիկացի բասկետբոլիստի 23-րդ թրիփլ-դաբլն էր այս մրցաշրջանում եւ 127-րդը կարիերայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։