«Լոռին» Անթալիայում կանցկացնի 4 ստուգողական հանդիպում եւ կփորձարկի մի շարք խաղացողների
00:10 12 փետրվարի, 2019Վանաձորի «Լոռին» փետրվարի 12-ին կմեկնի Անթալիա, որտեղ կանցկացնի 13-օրյա ուսումնամարզական հավաք, փոխանցում է ակումբի կայքը:
Արթուր Պետրոսյանի գլխավորած թիմը կհանգրվանի Miracle 5 աստղանի հյուրանոցում եւ 4 ընկերական հանդիպում կանցկացնի Անթալիայում: Փետրվարի 15-ին «Լոռիի» մրցակիցը կլինի Դանիայի Առաջին լիգան ներկայացնող «Ֆրեմադ Ամագերը», փետրվարի 18-ին՝ ԲԿՄԱ-ի Մ-21 թիմը, իսկ փետրվարի 20-ին՝ ղազախական «Կայրաթը»: Եվս մեկ հանդիպում ծրագրված է փետրվարի 23-ին:
Անթալիայում «Լոռիին» կմիանան մի շարք նորեկներ եւ փորձաշրջան անցնող ֆուտբոլիստներ: Եվս մի քանի խաղացողներ Երեւան կժամանեն փետրվարի 25-ից հետո եւ բուժզննում անցնելուց հետո պայմանագիր կստորագրեն ակումբի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։