«Յուվենտուսը» հաստատեց Աարոն Ռեմզիի տեղափոխությունը

Թուրինի «Յուվենտուսը» պաշտոնապես հայտարարել է Լոնդոնի «Արսենալի» եւ Ուելսի հավաքականի կիսապաշտպան Աարոն Ռեմզիի հետ պայմանագիր կնքելու մասին:

28-ամյա ֆուտբոլիստն ազատ գործակալի կարգավիճակով իտալական ակումբին կմիանա 2019 թվականի հուլիսի 1-ին:

BBC-ի համաձայն՝ «Յուվենտուսում» Ռեմզիի տարեկան աշխատավարձը կկազմի 23 միլիոն եվրո: Նա կդառնա իտալական ակումբի երկրորդ ամենաբարձր վարձատրվող ֆուտբոլիստը պորտուգալացի հարձակվող Կրիշտիանու Ռոնալդուից հետո (տարեկան 31 միլիոն եվրո): 

Հիշեցնենք, որ ուելսցի կիսապաշտպանը 2008 թվականից է «Արսենալի» համակարգում, իսկ նրա գործող պայմանագիրն ավարտվում է 2019 թվականի ամռանը: Անգլիայի ընթացիկ առաջնությունում նա մասնակցել է 22 խաղի եւ դարձել 2 գոլի ու 6 գոլային փոխանցման հեղինակ: