Ռումինացի մասնագետ Միրչա Լուչեսկուն հեռացել է ֆուտբոլի Թուրքիայի հավաքականի գլխավոր մարզիչի պաշտոնից: Կողմերը պայմանագիրը խզել են երկկողմ համաձայնությամբ, հայտնում է Թուրքիայի ֆուտբոլի ֆեդերացիայի կայքը
73-ամյա մասնագետը 2017 թվականի ամռանն էր գլխավորել Թուրքիայի հավաքականը, որը նրա գլխավորությամբ անցկացրել է 17 հանդիպում, տարել 4 հաղթանակ, կրել 7 պարտություն եւ գրանցել 6 ոչ ոքի:
Լուչեսկուն Թուրքիայում աշխատել էր նաեւ 2000-2004-ը՝ գլխավորելով «Գալաթասարայն» ու «Բեշիկթաշը»: Թուրքիայից հեռանալուց հետո ռումինացի մասնագետը 2004-2016-ը գլխավորել էր Դոնեցկի «Շախտյորը», իսկ 2016-2017-ը՝ Սանկտ Պետերբուրգի «Զենիթը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։