«Լոռիին» միացել է մոլդովացի հարձակվող, «Արցախը» մեկնել է Թբիլիսի եւ կփորձարկի լեգեոնականների

17:12   11 փետրվարի, 2019

Երեւանի «Արցախը» մեկնել է Թբիլիսի, որտեղ փետրվարի 11-ից 23-ը հավաք կանցկացնի Թենգիզ Սուլակվելիձեի սպորտային ակադեմիայում։

Հավաքի ընթացքում հայկական ակումբը 4 ընկերական հանդիպում կանցկացնի Վրաստանի Բարձրագույն խմբի թիմերի հետ։ «Արցախի» մրցակիցները կլինեն Թելավիի «Կախեթին», «Գագրան», «Մերանին» եւ «ՎԻԹ Ջորջիան»: Խաղերը նախատեսված են փետրվարի 13-ին, 16-ին, 19-ին եւ 22-ին, հայտնում է ակումբի մամուլի ծառայությունը:

«Արցախի» կազմում փորձաշրջան կանցնեն Թուրքմենստանի ազգային հավաքականի պաշտպան Սերդար Անաորազովը, ուկրաինացի հարձակողական ոճի կիսապաշտպան Վալերի Գրիշինը եւ եզրային պաշտպան Վրաստանից։

Վանաձորի «Լոռին» պաշտոնապես հայտարարել է մոլդովացի հարձակվող Ալեքսանդրու Օսիպովի տեղափոխության մասին: 18-ամյա ֆուտբոլիստի պայմանագիրը նախատեսված է մինչեւ 2019 թվականի դեկտեմբերի 5-ը:

Օսիպովը «Լոռի» է տեղափոխվել մոլդովական «Շերիֆից», որի մինչեւ 19 տարեկանների թիմի կազմում մասնակցել է ՈւԵՖԱ-ի պատանեկան լիգայի (UEFA Youth League) 3 հանդիպման եւ դարձել մեկ գոլային փոխանցման հեղինակ: Մոլդովայի Մ-19 հավաքականի կազմում նա մասնակցել է 5 հանդիպման, դարձել երկու գոլի հեղինակ:

«Լոռիի» կազմը համալրել է նաեւ «Բանանցի», «Իմպուլսի», «Ալաշկերտի», «Փյունիկի», պորտուգալական «Ալկանենենսեի» ու Հայաստանի Մ-17 հավաքականի նախկին կիսապաշտպան Վլադիմիր Բաբայանը:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։