Մոուրինյոն դարձյալ կաշխատի հեռուստատեսությունում

14:22   11 փետրվարի, 2019

Անգլիական «Մանչեսթեր Յունայթեդի», «Չելսիի», Մադրիդի «Ռեալի» եւ իտալական «Ինտերի» նախկին գլխավոր մարզիչ Ժոզե Մոուրինյոն կաշխատի հեռուստատեսությունում:

Մարտին պորտուգալացի մասնագետը շոու կվարի RT ալիքում: Մոուրինյոն կկատարի խաղերի կանխատեսումներ, ինչպես նաեւ փորձագետի կարծիք կհայտնի Չեմպիոնների լիգայի փլեյ-օֆֆի խաղերի վերաբերյալ, փոխանցում է RT ալիքի կայքը:

«RT-ի համար աշխարհի առաջնությունը լուսաբանելը հրաշալի փորձ էր ինձ համար, եւ ես շատ ուրախ եմ շարունակել համագործակցությունը այս հիանալի թիմի հետ»,- ասել է Մոուրինյոն:

Հիշեցնենք, որ 56-ամյա պորտուգալացին դեկտեմբերին էր հեռացել «Մանչեսթեր Յունայթեդից», որը գլխավորում էր 2016 թվականից: Այդ ընթացքում մանչեսթերցիները նվաճել են Անգլիայի Սուպերգավաթը, Անգլիական լիգայի գավաթը եւ Եվրոպայի լիգայի հաղթողի կոչումը:  



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։