Բասկետբոլի ազգային ասոցիացիայի (NBA) կանոնավոր առաջնության հերթական տուրում «Լոս Անջելես Լեյքերսը» հյուրընկալվելիս մեկ միավորի առավելությամբ հաղթել է «Բոստոնին»՝ 129:128:
Հանդիպման ամենաարդյունավետ բասկետբոլիստ է ճանաչվել Լեբրոն Ջեյմսը, որը «Լեյքերսի» կազմում վաստակել է 28 միավոր: «Բոստոնի» առաջատար Կայրի Իրվինգը հավաքել է 24 միավոր:
«Օկլահոման» 117:95 հաշվով տնային հաղթանակ է տարել «Մեմֆիսի» նկատմամբ: «Օկլահոմայի» առաջատար Ռասել Ուեստբրուկը վաստակել է 15 միավոր, կատարել 15 արդյունավետ փոխանցում, 13 անգամ տիրել օղակից հետ եկած գնդակին եւ թրիփլ-դաբլի հեղինակ դարձել 8-րդ խաղում անընդմեջ: Այդ ցուցանիշով Ուեստբրուկը շրջանցել է ամերիկացի լեգենդար բասկետբոլիստ Մայքլ Ջորդանին եւ բարձրացել երկրորդ տեղ: Ամերիկացի բասկետբոլիստին գերազանցում է միայն Ուիլտ Չեմբերլենը, որը 1967/68 մրցաշրջանում թրիփլ-դաբլի հեղինակ է դարձել 9 խաղում անընդմեջ:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների տասնյակը, որը գլխավորում է «Լեյքերսի» խաղացող Ռեջոն Ռոնդոյի հաղթական նետումը վերջին վայրկյանին:
NBA, կանոնավոր առաջնություն
«Բոստոն» – «Լեյքերս»՝ 128:129 (30:24, 36:33, 27:42, 35:30)
«Ինդիանա» – «Կլիպերս»՝ 116:92 (36:31, 35:22, 27:20, 18:19)
«Օռլանդո» – «Մինեսոտա»՝ 122:112 (32:31, 39:27, 31:27, 20:27)
«Ատլանտա» – «Տորոնտո»՝ 101:119 (33:22, 35:38, 17:28, 16:31)
«Օկլահոմա» – «Մեմֆիս»՝ 117:95 (27:32, 24:21, 32:19, 34:23)
«Պորտլենդ» – «Սան Անտոնիո»՝ 127:118 (31:34, 39:23, 26:33, 31:28)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։