«Բարսելոնա» - «Ռեալ». Մարզիչների կարծիքները

11:48   7 փետրվարի, 2019

«Բարսելոնայի» ու Մադրիդի «Ռեալի» միջեւ ֆուտբոլի Իսպանիայի գավաթի խաղարկության կիսաեզրափակիչի առաջին խաղից հետո 2 թիմերի գլխավոր մարզիչները կիսվել են տպավորություններով:

Սանտյագո Սոլարի («Ռեալ»). «Ստացվեց շատ լավ ֆուտբոլային հանդիպում՝ խաղադաշտում մեծ քանակությամբ լավ որակներով խաղացողներով: Կարծում եմ՝ հանդիպումը դիտելը հաճելի էր ոչ միայն 2 թիմերի երկրպագուների համար, այլեւ՝ մյուս թիմերի երկրպագուների: Միշտ ցանկանում ենք հաղթել եւ ունեցանք երկրորդ գոլը խփելու հնարավորություն: Կարող ենք գոլ լինել այն ամենից, ինչ արեցինք: Վինիսիուսն ու Բեյլն ունեցան հրաշալի հնարավորություններ: Բարդ է խոսել ֆուտբոլում արդարացիության մասին»:

Էռնեստո Վալվերդե («Բարսելոնա»). «Շատ կարեւոր հանդիպում էր: «Ռեալն» առավելություն ուներ առաջին խաղակեսում, սակայն ընդմիջումից հետո մենք ավելի լավ տեսք ունեինք: Երբեմն խնդիրներ էինք ունենում կիսապաշտպանությունում: Պետք է աշխատել այդ ուղղությամբ: «Բարսելոնան» հաճախ էր գնդակ կորցնում ոչ թե մրցակցի պրեսինգի պատճառով, այլ սեփական մեղքով: Առաջիկա խաղերում պետք է լուծենք այդ խնդիրը:

Ինչ վերաբերում է Մեսիին, ապա ես զրուցեցի Լեոյի հետ, եւ մենք որոշեցինք, որ նա չի անցկացնի ամբողջ հանդիպումը: Միշտ պետք է կայացնենք լավագույն որոշումը: Մեսին նախորդ խաղն ավարտել էր ցավերով, եւ մենք որոշեցինք, որ նա այս հանդիպումը կսկսի պահեստայինների նստարանից»,- փոխանցում է Marca-ն:

Հիշեցնենք, որ Բարսելոնայի «Նոու Կամպ» ստադիոնում կայացած խաղն ավարտվել էր 1:1 հաշվով: Պատասխան հանդիպումը տեղի կունենա փետրվարի 27-ին Մադրիդում: Եզրափակիչի երկրորդ ուղեգիրը վիճարկում են «Բետիսն» ու «Վալենսիան», որոնց միջեւ առաջին խաղը կկայանա փետրվարի 27-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։