«Բարսելոնան» փրկվեց պարտությունից «Ռեալի» հետ պայքարում

01:51   7 փետրվարի, 2019

Իսպանիայի գավաթի խաղարկության կիսաեզրափակիչի առաջին խաղում «Բարսելոնան» ընդունեց Մադրիդի «Ռեալին» եւ բավարարվեց ոչ ոքի արդյունքով՝ 1:1: Էռնեստո Վալվերդեի գլխավորած թիմը հետապնդողի դերում էր արդեն 6-րդ րոպեից, երբ Արքայական թիմին հաշվի մեջ առաջ մղեց իսպանացի կիսապաշտպան Լուկաս Վասկեսը: Գոլային փոխանցումը կատարեց ֆրանսիացի հարձակվող Քարիմ Բենզեման:

«Բարսելոնան» հավասարությունը վերականգնեց 57-րդ րոպեին: Աչքի ընկավ բրազիլացի հարձակվող Մալքոմը:

Դաշտի տերերի արգենտինացի առաջատար Լիոնել Մեսին մկանային վնասվածքից հետո մեկնարկային կազմում չէր: Նա փոխարինման դուրս եկավ 63-րդ րոպեին:

Պատասխան հանդիպումը Մադրիդում տեղի կունենա փետրվարի 27-ին:

Երկրորդ ուղեգիրը վիճարկում են «Բետիսն» ու «Վալենսիան», որոնց առաջին հանդիպումը փետրվարի 7-ին է:

Իսպանիայի Գավաթ, կիսաեզրափակիչ, առաջին հանդիպում

«Բարսելոնա» - «Ռեալ»՝ 1:1 (տեսանյութ)

Մալքոմ, 57 – Լուկաս Վասկես, 6



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։