Անթալիայում հավաք անցկացնող Երեւանի «Բանանցը» շարունակում է ուժեղացնել կազմը:
NEWS.am Sport-ին հայտնի դարձավ, որ երեւանյան ակումբի կազմում մարզվում է Բոսնիա եւ Հերցեգովինան ներկայացնող 26-ամյա հարձակվող Ալեքսանդր Գլիշիչը, որն առաջիկայում կկնքի պայմանագիր: Վերջին շրջանում Գլիշիչը խաղում էր «Ռադնիկում», որի կազմում մասնակցել է Բոսնիա եւ Հերցեգովինայի ընթացիկ առաջնության 17 խաղի ու խփել 3 գոլ:
Նախօրեին «Բանանցը» հայտարարել էր ռուսական «Արմավիրի» պաշտպան Ալբերտ Գաջիբեկովին վարձակալելու մասին:
«Բանանցը» պայմանագիր է կնքել նաեւ «Միկայի» եւ «Ալաշկերտի» նախկին պաշտպան Անդրանիկ Ոսկանյանի հետ: Ակումբը նաեւ երկկողմ համաձայնությամբ խզել է պայմանագիրը ռուս պաշտպան Իլյա Գուլտիաեւի հետ, հայտնում է ակումբի կայքը:
Փետրվարի 6-ին հայկական ակումբն Անթալիայում ստուգողական հանդիպում կանցկացնի ռուսական «Նիժնի Նովգորոդի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։