Երեւանի «Լոկոմոտիվն» ուժեղ էր վրացական «Նորչի Դինամոյից»՝ 5:3

Երեւանի «Լոկոմոտիվն» առաջին հաղթանակը տարավ նորանշանակ ուկրաինացի գլխավոր մարզիչ Անատոլի Պիսկովեցի ղեկավարությամբ:

Ձորաղբյուրի մարզաբազայում «Լոկոմոտիվը» ստուգողական հանդիպում է անցկացրել վրացական «Նորչի Դինամոյի» հետ եւ առավելության է հասել 5:3 հաշվով: Առաջին խաղակեսում 0:2 հաշվով պարտվելուց հետո հայկական թիմը կարողացել է վերականգնել հավասարությունը եւ ընդմիջման գնալ 2:2 հաշվով:

Երկրորդ խաղակեսում «Լոկոմոտիվը» կարողացել է եւս երեք գոլ խփել եւ հաղթանակ տանել:
Դուբլի հեղինակ է դարձել  Դիմա Գորստկան, աչքի են ընկել նաեւ Ռաֆայել Ղազարյանը, Գեղամ Թումբարյանը և Օլեգ Լուցենկոն։